Ha Chenda

Thursday, September 20, 2012

ការងារស្ត្រេសខ្លាំងប្រឈមនឹងជំងឺបេះដូង

តាមការសិក្សាថ្មីមួយរបស់ក្រុមស្រាវជ្រាវមកពី University College London បានរកឃើញថា ការធ្វើការងារដែលមានភាពស្ត្រេសខ្លាំង ងាយនឹងប្រឈមនឹងជំងឺបេះដូង។ បើទោះជាការរកឃើញថ្មីបង្ហាញ លទ្ធផលបែបនេះក្ដី តែវាមិនគ្រោះថ្នាក់ខ្លាំងដូចជា ការជក់បារី និងការមិនបានហាត់ប្រាណនោះទេ។

ការសិក្សា ដែលចុះក្នុងទិនានុប្បវត្តិវេជ្ជសាស្ត្រ the Lancet នេះបានសិក្សាវាយតម្លៃទៅលើ ការសិក្សាដែលធ្លាប់ធ្វើពីមុនៗមកចំនួន ១៣ ក្នុងទ្វីបអឺរ៉ុប។ ការសិក្សាទាំងនោះធ្វើឡើងលើមនុស្សប្រមាណ ២០ ម៉ឺននាក់ ហើយរកឃើញថា សម្ពាធការងារបង្កើនការប្រឈមនឹងជំងឺបេះដូងរហូតដល់ ២៣% ។ បើនិយាយពីវេជ្ជបណ្ឌិតដែលមិនមានតួនាទីក្នុងការសម្រេចចិត្តធំៗ មានសម្ពាធតិចជាងអ្នកដែលធ្វើក្នុងការសង្វាក់ផលិតកម្មរោងចក្រ។

សាស្ត្រាចារ្យម្នាក់ដែលចូលរួមក្នុងការសិក្សានេះគឺលោក Mika Kivimaki បានលើកឡើងថា របកគំហើញថ្មីនេះផ្អែកលើការងារតូចៗដែលជាប់គ្នារដឹក និងជាមូលហេតុនៃសម្ពាធបង្កជំងឺគាំងបេះដូង ឬដាច់សសៃឈាមបេះដូង។

ក្រុម អ្នកស្រាវជ្រាវក៏បាននិយាយដែរថា ការកាត់បន្ថយសម្ពាធការងារអាចជួយការពារ ៣,៤% ខណៈការផ្ដាច់បារីកាត់បន្ថយបាន ៣៦%៕

ប្រែសម្រួល៖ Zac
ប្រភព៖ BBC

http://news.sabay.com.kh/articles/302653

ទទួលទានចេកទុំបង្កាជំងឺមហារីក

ចេកជាផ្លែឈើមួយប្រភេទដែលពុកម៉ែបងប្អូនប្រជាជនខ្មែរយើងពេញនិយម ទទួលទានយ៉ាងខ្លាំង តាំងពីនៅខ្ចីរហូតដល់ទុំ។ ក្រៅពីមានរសជាតិផ្អែមឆ្ងាញ់ពិសា ចេកក៏ផ្ដល់នូវអត្ថប្រយោជន៍យ៉ាងច្រើនដល់សុខភាពអ្នកទទួលទាន ជាពិសេសចេកទុំដែលមានស្នាមអុជខ្មៅលើសំបកតែម្ដង។ មូលហេតុអ្វីបានថាចេកទុំមានស្នាមអុជមានគុណប្រយោជន៍?

យោងតាមការស្រាវជ្រាវបែបវិទ្យាសាស្ត្រ របស់ប្រទេសជប៉ុនកាលពីថ្មីៗនេះបានឲ្យដឹងថា ចេកទុំជោរដែលមានស្នាមអុជៗពណ៌ខ្មៅលើសំបក មាន សារធាតុ TNF (Tumor Necrosis Factor) ដែល មានសមត្ថភាពកម្ចាត់កោសិកាមិនប្រក្រតី (កោសិកាមហារីក)។ ស្នាមអុជកាន់តែខ្មៅ ចេកកាន់តែមានគុណភាពបង្កើតភាពស៊ាំក្នុងរាងកាយទល់នឹងកោសិកា មហារីក។ ដូច្នេះ ទទួលទានចេកទុំ ១ ឬ ២ ផ្លែ ជារៀងរាល់ថ្ងៃ ដើម្បីបង្កើនភាពស៊ាំក្នុងរាងកាយប្រឆាំងនឹងកោសិកាមហារីក។

ការ ពិតទៅ ជីវជាតិនៅក្នុងផ្លែឈើប្រែប្រួលបន្តិច នៅពេលទុំ ដូចជាចេកជាដើម។ ពេលចេកទុំ និងប្រែពណ៌សំបកទៅជាពណ៌លឿង នោះកម្រិតនៃសារធាតុប្រឆាំងនឹងមេរោគជំងឺផ្សេងៗ ក៏កាន់តែកើនឡើងដែរ។ សារធាតុប្រឆាំងមេរោគទាំងនេះ ការពាររាងកាយមិនឲ្យមានជំងឺមហារីក និងបេះដូង។

ទោះបីជាយ៉ាងណាក៏ដោយ បើចេកទុំជោរពេករហូតដល់សំបកប្រេះចេញសាច់ នោះវានឹងបាត់បង់សារធាតុបំប៉ន ដូចជាវីតាមីន និងរ៉ែ។ ម្យ៉ាងទៀត ចេកទុំមានស្នាមអុជខ្មៅ សម្បូរជាតិសរសៃ និងស្ករដែលជួយដល់ការរំលាយអាហារ តែប៉ះពាល់ដល់អ្នកជំងឺទឹកនោមផ្អែម ដោយសារតែវាបង្កើនកម្រិតគ្លុយកូស (ស្ករ) ក្នុងឈាមភ្លាមៗ។

ចេក ទាំងសំបកបៃតង ទាំងសំបកលឿង ជាអាហារមានជាតិសរសៃខ្ពស់ដែលសម្បូរជាតិប៉ូតាស្យូម វីតាមីន B6 និងវីតាមីន C និងមានកាឡូរីខ្ពស់ ដោយសារមានជាតិស្ករខ្ពស់។ ចេកទំហំមធ្យមមួយផ្លែ ផ្ដល់ថាមពលប្រមាណជា ១០៥ កាឡូរីឯណោះ។ ដូច្នេះ ទទួលទានចេក ១ ឬ ២ផ្លែ ដើម្បីសុខភាពល្អ៕

ប្រែសម្រួល៖ សុផាត
ប្រភព និងរូបភាព៖ hoaxorfact.com

http://news.sabay.com.kh/articles/297933

ក្រូចត្លុងមានសារៈប្រយោជន៍ចំពោះសុខភាព

អ្នកចូលចិត្តបរិភោគក្រូចត្លុង ដោយសារវាល្អសម្រាប់ការរំលាយអាហារផង និងជួយបញ្ចុះទម្ងន់ ដូច្នេះក្រូចត្លុងអាចព្យាបាលជំងឺគ្រុនក្តៅ និងជំងឺផ្តាសាយ ទឹកក្រូចត្លុងជួយអ្នកជំងឺឱ្យមាន សុខភាពល្អឡើងវិញក្រោយជំងឺគ្រុនក្តៅ បន្ថយអារម្មណ៍ក្តៅរោលរាលដោយសារសីតុណ្ហភាព សរីរាង្គឡើងខ្ពស់ និងជាឱសថមានតម្លៃចំពោះជំងឺគ្រុនផ្តាសាយ ។ ក្រូចត្លុងមាន ប្រយោជន៍ បំផុតក្នុងការដោះស្រាយបញ្ហាហើមពោះ ពិបាករំលាយអាហារវាធ្វើឱ្យថយចុះកម្តៅ និងរំញោច សកម្មភាពរបស់ក្រពះ កែប្រែឱ្យប្រសើរចរន្តហូររបស់រំអឹលរំលាយអាហារ ជួយសរីរាង្គរំលាយ អាហារល្អជាង ។

សម្រាប់អ្នកជំងឺទឹកនោមផ្អែម គួរបរិភោគក្រូចត្លុងមួយផ្លែក្នុងមួយថ្ងៃ វាអាចរារាំងបរិមាណម្សៅ បញ្ចូលទៅក្នុងសរីរាង្គ ហេតុនេះជួយបន្ថយក្តីបារម្ភអំពីជំងឺទឹកនោមផ្អែម។ ផឹកទឹកក្រូចត្លុងស្រស់ មួយកែវនៅពេលព្រឹកល្អបំផុតដើម្បីគ្រប់គ្រងអាការៈទល់លាមក ។

ការផឹកទឹកក្រូចត្លុង៥៣០មិល្លីលីត្រក្នុងមួយថ្ងៃ នឹងធ្វើឱ្យសកម្មភាពរបស់ CYPIA2 ដែលជាអង់ហ្ស៊ីម មួយរំញោចសកម្មភាពរបស់សារជាតិគីមី បង្កជំងឺមហារីកក្នុងផ្សែងបារីថយចុះគួរឱ្យកត់សម្គាល់ ។ ក្រៅពីនេះ ក្រូចត្លុង សម្បូរសារជាតិ flavonoid មានឥទ្ធិពលដូចជា សារជាតិប្រឆាំងអុកស៊ីតកម្ម ធម្មជាតិ១ ការពារនិងទប់ស្កាត់សកម្មភាពរបស់ពពួកសារជាតិបង្កមហារីក៕

http://www.healthcambodia.org/posts/9523

គុណប្រយោជន៍ផ្លែទទឹមចំពោះសុខភាព

ទទឹមជាដើមឈើមួយបែបដែលប្រជាពលរដ្ឋខ្មែរកាត់ចិន ឬចិនសុទ្ធ និយមដាំនៅមុខផ្ទះ និងបរិវេណផ្ទះ ដើម្បីយកផ្លែ និងសម្រាប់ដេញឧបទ្រុឌចង្រៃ។ តាមអប្បិយជំនឿ ស្លឹកទទឹមត្រូវគេយកមកកូរទឹកក្នុងផ្តិល រួចលុបលាងមុខ ដើម្បីដេញភាពចង្រៃ ដែលកើតដោយសារឆុងឆ្នាំ (ឧ. ក្រោយពីចូលរួមបុណ្យសព)។

ចំណែកផ្លែវិញ បើតាមវិទ្យាសាស្ត្រ បានឲ្យដឹងថា វាផ្ដល់នូវគុណប្រយោជន៍យ៉ាងច្រើនដល់សុខភាពយើង។ អីចឹង ចង់ដឹងថា អត្ថប្រយោជន៍យ៉ាងណានោះ សូមតាមដានខាងក្រោមបន្តិច!

១. ការពារជំងឺមហារីកសុដន់

ការ សិក្សាស្រាវជ្រាវជាច្រើនដែលធ្វើឡើងនៅប្រទេសអ៊ីស្រាអែលបានបង្ហាញ ថា ទឹកទទឹម (ចម្រាញ់ពីផ្លែ) អាចកម្ចាត់កោសិកាមហារីកសុដន់បាន និងបំប៉នកោសិកាធម្មតាឲ្យមានសុខភាពល្អ។ ដូច្នេះ វាអាចការពារមិនមានកោសិកាមហារីកសុដន់កកើតឡើងបាន។

២. ការពារមហារីកសួត

ការពិសោធលើសត្វកណ្ដុរបង្ហាញថា ទឹកទទឹមអាចរារាំងមិនឲ្យកើតមានជំងឺមហារីកសួតបាន។

៣. បន្ថយល្បឿនមហារីកក្រពេញប្រូស្តាត

ទឹកទទឹមកាត់បន្ថយកំណើន ឬល្បឿននៃមហារីកក្រពេញប្រូស្តាតនៅក្នុងសត្វកណ្ដុរ។

៤. ការពារខួរក្បាលទារក

ស្ត្រីពរពោះ ញ៉ាំទឹកទទឹមជាប្រចាំ អាចការពារខួរក្បាលទារកទើបនឹងកើតមិនឲ្យមានបញ្ហា ក្រោយពីសម្រាល។

៥. ការពាររោគឈឺសន្លាក់ឆ្អឹង

ការសិក្សាជាច្រើនបង្ហាញថា ទឹកទទឹម អាចការពារមិនឲ្យសន្លាក់ឆ្អឹងខ្ចីសឹករេចរឹលនាំឲ្យឈឺសន្លាក់។

៦. ការពារជំងឺភ្លេចភ្លាំង

ទឹក ទទឹមអាចការពារ និងកាត់បន្ថយជំងឺភ្លេចភ្លាំងបានយ៉ាងមានប្រសិទ្ធភាព។ ក្នុងការពិសោធន៍មួយ កណ្ដុរត្រូវគេចាក់ថ្នាំបង្កើតជំងឺភ្លេចភ្លាំង ហើយឲ្យផឹកទឹកទទឹម។ បន្ទាប់មក កណ្ដុរទាំងនោះ ចាប់ផ្ដើមមានការចងចាំល្អឡើងវិញ។

៧. បន្ថយសម្ពាធឈាម

ញ៉ាំទឹកទទឹម ៥០ ក្រាមរៀងរាល់ថ្ងៃ នឹងកាត់បន្ថយសម្ពាធឈាមច្របាច់ចេញពីបេះដូងចំនួន ៥ ភាគរយ។

៨. ការពារធ្មេញ

ការ សិក្សាស្រាវជ្រាវបង្ហាញថា ញ៉ាំទឹកទទឹម អាចជាមធ្យោបាយតាមបែបធម្មជាតិមួយ ដើម្បីការពារមិនឲ្យកំណកបាក់តេរីនៅជាប់ធ្មេញ។

http://news.sabay.com.kh/articles/289320

Thursday, January 12, 2012

Key Point for Interview

គន្លឹះសំខាន់អំពីការសម្ភាសការងារ!

បទសម្ភាសអាចជាដំណាក់កាលទីពីរក្នុងការស្វែងរកការងារ បន្ទាប់ពីអ្នកត្រូវបានជម្រុះដោយការពិនិត្យមើលប្រវត្តិរូបសង្ខេប (CV) ជាមួយបេក្ខជនដទៃរួចហើយនោះ។ ចំពោះអ្នកធ្លាប់ ឆ្លងកាត់ការសម្ភាសច្រើនដង គេអាចប្រមូលអារម្មណ៍បានល្អ ក្នុងការឆ្លើយសំណួរទាំងឡាយឲ្យបានត្រឹមត្រូវ។ ដោយឡែក ប្រសិនបើអ្នកមិនធ្លាប់ទទួលបានការសម្ភាសពីមុនមក ការគ្រប់គ្រងអារម្មណ៍ និងការត្រៀមខ្លួនឲ្យបានត្រឹមត្រូវ ជារឿងដែលមិនអាចមើលរំលង។ ខាងក្រោមនេះ ជាអ្វីដែលអ្នកគួរយល់ដឹង មុន អំឡុង និងក្រោយពេលសម្ភាស។

មុនពេលសម្ភាស

ត្រូវឲ្យច្បាស់ថារាល់ព័ត៌មាននៅក្នុង CV របស់អ្នកបានកែសម្រួលជាមួយព័ត៌មានថ្មីៗអំពីអ្នក
អ្នកត្រូវសិក្សាពីប្រវត្តិខ្លះៗរបស់ក្រុមហ៊ុនដែលអ្នកដាក់ពាក្យ
ត្រៀមសំណួរមួយចំនួនដែលទាក់ទងនឹងការងារ និងក្រុមហ៊ុនដែលអ្នកដាក់ពាក្យសម្រាប់សួរនៅក្នុងកិច្ចសម្ភាស
អនុវត្តនិយាយឲ្យបានច្បាស់ និងមានអំណះអំណាងត្រឹមត្រូវពាក់ព័ន្ធនឹងការសិក្សា និងប្រវត្តិការងាររបស់អ្នក
អនុវត្តស្លៀកពាក់ឲ្យបានសមរម្យ និងត្រឹមត្រូវតាមប្រភេទការងារដែលអ្នកចង់ធ្វើ
ហាត់សមឲ្យបានច្រើនមុនពេលសម្ភាសដោយនិយាយជាមួយខ្លួនឯងក្នុងកញ្ចក់ជាដើម
ត្រូវទៅស្គាល់កន្លែងសម្ភាសឲ្យហើយ ដើម្បីជៀសវាងទៅដល់យឺតពេលនៅថ្ងៃសម្ភាសដោយមិនស្គាល់ទីតាំង
គេងឲ្យបានគ្រប់គ្រាន់មុនថ្ងៃសម្ភាសមួយថ្ងៃ

ថ្ងៃសម្ភាស

ស្រស់ស្រូបអាហារសម្រន់បន្តិចមុនទៅសម្ភាស
មិនត្រូវបាញ់ទឹកអប់ដែលមានក្លិនខ្លាំងពេកនោះទេ
ចេញដំណើរឲ្យបានមុនម៉ោងបន្តិចដើម្បីជៀសវាងការយឺតយ៉ាវ

អំឡុងពេលសម្ភាស

បិទទូរស័ព្ទ ឬដាក់ញ័រ
មិនត្រូវទំពាស្ករកៅស៊ូនោះទេ
ជម្រាបសួរ ឬចាប់ដៃអ្នកធ្វើសម្ភាសដោយស្នាមញញឹម និងភាពម៉ត់ចត់
ស្ដាប់សំណួរឲ្យបានច្បាស់ឆ្លើយឲ្យចំសំណួរតាមការចង់បាន មិនវែងពេក មិនខ្លីពេក និងសម្លឹងកែវភ្នែកអ្នកដែលសួរសំណួរមកអ្នករាល់ពេលឆ្លើយសំណួរ
សម្ដែងចំណាប់អារម្មណ៍លើមុខដំណែងរបស់អ្នក
ជៀសវាងការប្រើកាយវិការឆ្ការដៃ ឆ្ការជើងហួសហេតុ
ជៀសវាងការនិយាយកាត់សម្ដីអ្នកធ្វើសម្ភាស
មិនត្រូវផ្ដោតសំខាន់លើរឿងប្រាក់ខែពេកទេ
ត្រូវកត់ត្រារាល់សំណួរដែលអ្នកបានសួរទៅអ្នកធ្វើសម្ភាស
នៅចុងបញ្ចប់ត្រូវចាប់ដៃ ឬជម្រាបលា ញញឹម និងសម្ដែងពីចំណាប់អារម្មណ៍របស់អ្នកដោយនិយាយនូវពាក្យដូចជា “ខ្ញុំសង្ឃឹមថានឹងមានឱកាសបានធ្វើការរួមគ្នានៅពេលឆាប់ៗជាមួយ អ្នក” ជាដើម

បន្ទាប់ពីការសម្ភាស

អ្នកអាចផ្ញើ អ៊ីមែល ថ្លែងអំណរគុណអ្នកធ្វើសម្ភាស និងបញ្ជាក់ជំនឿចិត្តរបស់អ្នក

នេះគ្រាន់ជា គន្លឹះមួយចំនួនប៉ុណ្ណោះ សង្ឃឹមថា ប្រិយមិត្តទទួលបានជោគជ័យលើការទទួលបានការងារ៕

Friday, December 9, 2011

Increase your Remember

ធ្វើម៉េចបើចេះតែភ្លេចចឹង?

ភាពភ្លេចភ្លាំងជារឿងធម្មតា ប៉ុន្តែការភ្លេចភ្លាំង ការងារសំខាន់អាចឲ្យអ្នកជួបបញ្ហាធំៗបះសក់តែម៉ង។ ពេលខ្លះ អ្នកបន្ទោសខ្លួនឯងថា ក្មេងសោះមិនសមភ្លេចចឹងសោះ! និងពេលខ្លះទៀត អ្នករកនឹកអ្វីដែលអ្នកចង់និយាយមុននេះបន្តិចមិនឃើញ និងខឹងសម្បារនឹងខ្លួនឯង។ ដើម្បីឲ្យអ្នកមានការចងចាំល្អ អ្នកត្រូវបង្វឹកខួរក្បាលរបស់អ្នក។ ការបង្វឹកខួរក្បាលនេះ មិនមែនជារឿងងាយនោះទេ ដូច្នេះត្រូវចាប់ផ្ដើមឲ្យបានត្រឹមត្រូវ។

១. អាយុ
ការចងចាំជាអ្វី ដែលអ្នកត្រូវប្រើជារៀងរាល់ថ្ងៃ បើមិនដូច្នេះទេអ្នកមិនអាចសម្រេចការងារទាន់ពេលឡើយ។ ខួរក្បាលពិតជា មានឥទ្ធិពលខ្លាំងណាស់ ប៉ុន្តែវា អាចនឹងសឹករេចរឹលប្រសិន បើមិនថែរក្សាឲ្យបានត្រឹមត្រូវ។ ដូច្នេះ វាអាស្រ័យទៅលើខ្លួនអ្នក ជាអ្នកហ្វឹកហាត់ខួរក្បាលឲ្យធ្វើការដល់ចំណុចអតិបរមារបស់វា។ ចំណុចមួយ ដែលពាក់ព័ន្ធនឹងការចុះខ្សោយនេះ អាចបណ្ដាលមកពីវ័យចំណាស់ និងការប្រែប្រួលអ័រម៉ូនស្ត្រី។ ប៉ុន្តែមនុស្ស ដែលមានវ័យក្មេងក៏អាចមានការប៉ះពាល់ផងដែរ ដោយសារ ការមិនយកចិត្តទុកដាក់ទៅលើសុខភាពរាងកាយ ឬក៏មិនភាពខ្ជិលច្រអូសទាក់ទងនឹងការគិត និងធ្វើអ្វីៗផ្សេងៗ។ ដូច្នេះ ត្រូវថែរក្សាសុខភាពរបស់អ្នកកុំឲ្យទ្រុឌទ្រោមទៅតាមអាយុ។

២. ធ្វើការងារសិល្បៈ
ជំហានដំបូង គឺត្រូវធ្វើអ្វីដោយការគិតរបស់អ្នក។ ព្យាយាមធ្វើអ្វីស្រួលៗដែលខុសពីធម្មតា។ ឧទាហរណ៍ ដូចជា ធម្មតាអ្នកទទួលទូរស័ព្ទដោយដៃស្ដាំ អ្នកអាចប្ដូរមកប្រើដៃឆ្វេងជំនួសវិញ។ អ្នកអាច ធ្វើដូចនេះចំពោះគ្រប់រឿងដែលអ្នកធ្វើ វាអាចមានអារម្មណ៍ថា ឆ្គងនៅពេលដំបូង ប៉ុន្តែខួរក្បាលអ្នក នឹងដំណើរការខ្លាំងនៅពេលដែលអ្នកធ្វើដូចនោះ។
ចំណុចមួយផ្សេងទៀត គឺសាកល្បងធ្វើអ្វីដែលអ្នកមិនធ្លាប់ធ្វើពីមុនមក នឹងអាចជំរុញឲ្យខួរក្បាលរបស់អ្នកប្រឹងខ្លាំងឡើង។ មិនកំណត់ថាការងារនោះ ទាក់ទងទៅនឹងអារម្មណ៍ កាយសម្ព័ន្ធ ឬទាំងពីរនេះលាយបញ្ចូលគ្នាទេដូចជា ការហាត់ប្រាណបែបយូហ្គា លេងអុក វាយតិន្នីស គូរគំនូរសិល្បៈ។ល។

៣. ធ្វើចិត្តឲ្យស្ងប់
ការរៀនជាគន្លឹះដ៏ចម្បងក្នុងការហ្វឹកហាត់ខួរក្បាលឲ្យមានការចង ចាំខ្ពស់។ អ្នកអាចសាកល្បងកែលម្អការចងចាំរបស់អ្នកដោយការធ្វើអ្វីមួយដោយ បិទភ្នែក។ ឧទាហរណ៍ដូចជា សាកល្បងបិទភ្នែកស្លៀកពាក់ខោអាវ ស្បែកជើង និងស្រោមជើងដូចជាអ្នកជាមនុស្សពិការភ្នែកដូច្នោះដែរ។
ការអានជាវិធីដ៏ល្អមួយទៀតដើម្បីបង្កើនការចងចាំរបស់អ្នក ជាពិសេសនៅពេលដែលអ្នកអានអ្វីដែលអ្នកមិនធ្លាប់ជួប។ ហើយប្រសិនបើអ្នករស់នៅក្នុងបរិស្ថានដែលមានភាពស្ងប់ស្ងាត់នោះ រឹតតែអាចឲ្យអ្នកមានការចងចាំល្អថែមទៀត។

៤. ធ្វើលំហាត់ប្រាណ
លេងល្បែង នានាជាលក្ខណៈប្រស្នា។ ការធ្វើបែបនេះអាចធ្វើ ឲ្យអ្នកហ្វឹកហាត់ដុសខាត់ខួរក្បាលដោយការគិត។ និងចុងក្រោយបង្អស់ គឺការហាត់ប្រាណ។ ត្រូវចាំថា ខួរក្បាលគ្រប់គ្រងរាងកាយទាំងមូលរបស់អ្នក ដូច្នេះនៅពេលដែលអ្នកធ្វើលំហាត់ប្រាណខួរក្បាលអ្នកនឹងប្រឹងធ្វើ ការដូចគ្នា។

Sex Steps to be good team Work

៦ចំណុចយល់ដឹងពីស្មារតីក្រុម

ក្រុមហ៊ុន ដែលមានចង្វាក់ការងារ ជាក្រុមដែលយល់ចិត្តគ្នា រមែងតែងប្រកបដោយសក្ដានុពល រីកចម្រើន និងមានកម្លាំងចិត្ត ជាងកន្លែងការងារដែលដទៃ។ និយោជិកតែងមានទឹកចិត្តធ្វើការនៅកន្លែងដែលមានស្មារតីក្រុម ព្រោះពួកគេអាចធ្វើការប្រកបដោយវិជ្ជាជីវៈ យល់ចិត្តគ្នា និងមិនសូវមានសម្ពាធខ្លាំង។ ប្រសិនបើ អ្នកជាប្រធានក្រុម ឬនាយកក្រុមហ៊ុន អ្នកអាចរៀបចំ បែងចែកការងារលក្ខណៈជាក្រុម ព្រោះការងារ លក្ខណៈជាក្រុមបែបនេះ អាចឲ្យអ្នកសម្រេចបានរហ័សប្រកបដោយប្រសិទ្ធភាព និងទទួលបានផ្លែផ្កាធំធេង។ ដូចនេះតើមានវិធីបែបណា ដើម្បីបង្កើតស្មារតីក្រុម? សាកល្បងវិធីដែល Sabay លើកយកនេះមើល៍!

១. ប្រាប់ពីគោលបំណងសកម្មភាពរួមដល់គ្នា។ ក្រុមការងារអ្នក បង្កើតឡើងក្នុងគោលបំណងជាក់លាក់មួយ ដូច្នេះត្រូវប្រាប់គ្រប់សមាជិកឲ្យបានដឹងពីគោលដៅរួមរបស់ក្រុម ដើម្បីឲ្យគេ បានយល់ច្បាស់ថា តើការងារដែលគេធ្វើគឺដើម្បីសម្រេចអ្វី។ ក្រោយពីបានដឹងពីគោលបំណងក្រុមហើយ អ្នកអាចសុំយោបល់ពីសមាជិកក្រុមទាំងអស់ឲ្យបញ្ចេញមតិ ទៅលើផែនការសកម្មភាព និងគោលបំណងតូចៗដែលអាចជួយសម្រេចគោលដៅរួម។
២. បង្ហាញគ្រប់សមាជិកឲ្យដឹងពីសារៈសំខាន់នៃស្មារតីក្រុម។ អ្នកអាចពន្យល់ដល់សមាជិកទាំងអស់ឲ្យបង្កើនការប្ដេជ្ញាចិត្ត និងលើកទឹកចិត្តឲ្យមានភាពរីករាយ និងថាមពលធ្វើការជាក្រុម។
៣. បែងចែកតួនាទីសមាជិកក្រុមឲ្យបានច្បាស់។ បើគ្មានការបែងចែកការងារច្បាស់លាស់ក្រុមមួយមិនអាចដើរទៅមុខដោយ រលូននោះទេ។ ការបែងចែកការងារអាចជួយឲ្យសមាជិកទាំងទាំងអស់ដឹងពីការងារ និងទំនួលខុសត្រូវរបស់ខ្លួន ដូចជា អ្នកដឹកនាំ អ្នកទំនាក់ទំនង អ្នកផ្ដល់ប្រឹក្សា និងអ្នកអនុវត្តគម្រោងការជាដើម។
៤. ត្រូវឲ្យតម្លៃសមាជិកទាំងអស់ស្មើគ្នា នៅពេលដែលគេបំពេញការងារបានល្អ។ ធម្មតា នៅពេលដែលមិត្តរួមក្រុមធ្វើការងារមួយបានល្អ សមាជិកក្នុងក្រុមតែងមានសេចក្ដីរំភើប និងចង់ធ្វើការងារព្រោះខ្លួនជាមនុស្សម្នាក់ក្នុងក្រុមខ្លាំងនោះ ។ ផ្ទុយទៅវិញបើអ្នកដឹកនាំត្រូវដងត្រូវផ្លែជាមួយជនមួយចំនួននោះ អាចឲ្យសមាជិកបាត់បង់ជំនឿចិត្ត និងលែងចង់បំពេញភារកិច្ចរបស់ខ្លួនតទៅមុខទៀត។
៥. ផ្ដល់ធនធានគ្រប់គ្រាន់ដល់សមាជិកដើម្បីសម្រេចគោលដៅរួម។ ធនធានជារឿងដ៏សំខាន់ បើគ្មានធនធានគ្រប់គ្រាន់ក្នុងការបំពេញការងារ នោះលទ្ធផលដែលទទួលបានក៏ប្រាកដជាមានដែនកំណត់ដែរ។
៦. ដោះស្រាយជម្លោះឲ្យមានប្រសិទ្ធិភាព។ ទោះបីជាក្រុមការងាររបស់អ្នកធ្វើការដោយរលូន និងអភិវឌ្ឍន៍យ៉ាងណាក៏ដោយ ជម្លោះរមែងកើតមានមិនអាចជៀសផុត។ ប្រសិនបើជម្លោះនោះជាជម្លោះដើម្បីស្ថាបនាដូចជាការបញ្ចេញគំនិត ល្អៗដែលមានហេតុផលប្រឆាំងគ្នា អ្នកអាចទទួលយកបាន។ ប៉ុន្តែប្រសិនបើជាជម្លោះបែបហិង្សាត្រូវរិះរកវិធានការបន្ទាន់ដោយ មិនត្រូវកាន់ជើងម្ខាងៗនោះទេ គឺត្រូវកាត់សេចក្ដីដោយរកដំណោះស្រាយមួយដ៏សមស្របសម្រាប់ភាគីទាំង សងខាង។

Ha Chenda

Thursday, September 20, 2012

ការងារស្ត្រេសខ្លាំងប្រឈមនឹងជំងឺបេះដូង

ទទួលទានចេកទុំបង្កាជំងឺមហារីក

ក្រូចត្លុងមានសារៈប្រយោជន៍ចំពោះសុខភាព

គុណប្រយោជន៍ផ្លែទទឹមចំពោះសុខភាព

Thursday, January 12, 2012

Key Point for Interview

គន្លឹះសំខាន់អំពីការសម្ភាសការងារ!

Friday, December 9, 2011

Increase your Remember

ធ្វើម៉េចបើចេះតែភ្លេចចឹង?

Sex Steps to be good team Work

Blog Archive

About Me

Pages

Thursday, September 20, 2012

ការងារ​ស្ត្រេស​ខ្លាំង​ប្រឈម​នឹង​ជំងឺ​បេះដូង

ទទួល​ទាន​ចេក​ទុំបង្កា​ជំងឺ​​មហារីក

ក្រូចត្លុងមានសារៈប្រយោជន៍ចំពោះសុខភាព

គុណប្រយោជន៍​ផ្លែ​ទទឹម​​​ចំពោះ​សុខភាព

Thursday, January 12, 2012

Key Point for Interview

គន្លឹះ​សំខាន់​អំពីការ​​​សម្ភាស​ការងារ!

Friday, December 9, 2011

Increase your Remember

ធ្វើ​ម៉េច​បើ​ចេះ​តែ​ភ្លេច​ចឹង?

Sex Steps to be good team Work

Pages

ការងារស្ត្រេសខ្លាំងប្រឈមនឹងជំងឺបេះដូង

ទទួលទានចេកទុំបង្កាជំងឺមហារីក

គុណប្រយោជន៍ផ្លែទទឹមចំពោះសុខភាព

គន្លឹះសំខាន់អំពីការសម្ភាសការងារ!

ធ្វើម៉េចបើចេះតែភ្លេចចឹង?